|   Find a REPs Registered Instructor   |   Find a REPs Approved Training Provider   |   Directory of Endorsed CPD Training   |   Join REPs  |  

Beth yw’r Gofrestr...?



Mae’r Gofrestr o Swyddogion Ymarfer Proffesiynol (y GSYP) yn system o hunanreolaeth ar gyfer pob hyfforddwr, arweinydd ac athro sy’n ymwneud â’r diwydiant ymarfer a ffitrwydd. Mae’r GSYP yn creu fframwaith i’r hyfforddwyr unigol weithio oddi mewn iddo a chyrraedd y safonau uchaf mewn proffesiynoldeb, yn gysylltiedig ag arfer orau a’r diwydiant ffitrwydd. Gellir cofrestru ac aros ar y gofrestr drwy ennill cymwysterau a derbyn hyfforddiant a gydnabyddir yn genedlaethol ac sy’n gysylltiedig â Safonau Galwedigaethol Cenedlaethol ar gyfer ymarfer a ffitrwydd.

Mae’r GSYP yn bodoli gan mai dyma’r unig ffordd i ddangos yn annibynnol bod swyddogion ffitrwydd proffesiynol yn gymwys a hyfedrus i wneud eu gwaith. Mae’r Gofrestr yn nodwedd ganolog o broffesiynoldeb y diwydiant, sy’n allweddol i roi i gwsmeriaid, defnyddwyr, y cyhoedd a phartneriaid yn y proffesiwn meddygol y lefel angenrheidiol o hyder yn ansawdd y gwasanaethau a ddarperir gan swyddogion ffitrwydd proffesiynol.

Mae cofrestru’n arwydd bod swyddog ymarfer a ffitrwydd proffesiynol wedi cyrraedd safonau arfer dda penodol. Mae’r GSYP yn annog sylfaen o swyddogion ymarfer proffesiynol gyda chymwysterau priodol ac sydd:

  • wedi ennill cymwysterau cydnabyddedig a chymeradwy;

  • yn gallu dangos hyfedredd yn eu hamgylchedd gwaith;

  • yn ymroddedig i Ddatblygiad Proffesiynol Parhaus (DPP);

  • yn meddu ar yswiriant atebolrwydd y cyhoedd priodol i’r lefel maent yn gweithio arni;

  • yn dangos ymroddiad i God Ymarfer Moesegol y diwydiant.



    • Datganiad o Fwriad y GSYP yw:

    "Sicrhau bod pob swyddog ymarfer proffesiynol yn meddu ar yr wybodaeth a’r cymwysterau addas i helpu i ddiogelu a hybu iechyd a buddiannau’r bobl sy’n defnyddio eu gwasanaethau."